// 16 യഹോവയുടെ പുസ്തകത്തിൽ അന്വേഷിച്ചു വായിച്ചു നോക്കുവിൻ; അവയിൽ ഒന്നും കാണാതിരിക്കയില്ല; ഒന്നിന്നും ഇണ ഇല്ലാതിരിക്കയുമില്ല; അവന്റെ വായല്ലോ കല്പിച്ചതു; അവന്റെ ആത്മാവത്രേ അവയെ കൂട്ടിവരുത്തിയതു.യെശയ്യാ – അദ്ധ്യായം 34//
മനുഷ്യന് ദൈവം തന്നിരിക്കുന്ന അവിടുത്തെ വചനം പരിശുദ്ധ ആത്മാവ് തന്റെ ദാസന്മാരിലൂടെ എഴുതിച്ചു മനുഷ്യന് തന്നിരിക്കുന്നു .ദൈവ വചനം വ്യാഖ്യാനിക്കാൻ ഉള്ള അധികാരം പരിശുദ്ധ ആത്മാവിനാകുന്നു .ഒരു വ്യക്തി ദൈവ വചനം വ്യാഖ്യാനിക്കുമ്പോൾ പരിശുദ്ധാത്മ സഹായത്തിലൂടെ മാത്രമേ വ്യാഖ്യാനിക്കാവൂ.ബുദ്ധി കൊണ്ട് വ്യാഖ്യാനിക്കരുത് .
ഓരോ ദൈവ വചനത്തിനും ഇണയായ വചനം ഉണ്ട് വിശുദ്ധ ഗ്രന്ഥത്തിൽ .അത് ദൈവ സഹായത്താൽ മനസ്സിലായാൽ മാത്രമേ ദൈവം എന്ത് ഉദ്ദേശത്തോടെ, എന്ത് അർത്ഥത്തിൽ ആ വചനം അരുളി ചെയ്തു എന്ന് മനസിലാവുകയുള്ളു.സാഹചര്യവും പ്രസക്തമാണ് .സാത്താനെ നേരിടാൻ ഇണയായ വചനത്തെ പരിശുദ്ധ ആത്മ സഹായത്താൽ അറിഞ്ഞിരിക്കണം.
ഉദാഹരണത്തിന് സാത്താൻ യേശു കർത്താവിന്റെ ലൗകിക ജീവിത കാലത്തു പരീക്ഷിക്കുമ്പോൾ പറയുന്നു
// 5 പിന്നെ പിശാചു അവനെ വിശുദ്ധ നഗരത്തിൽ കൊണ്ടുപോയി ദൈവാലയത്തിന്റെ അഗ്രത്തിന്മേൽ നിറുത്തി അവനോടു:
6 നീ ദൈവപുത്രൻ എങ്കിൽ താഴത്തോട്ടു ചാടുക; “നിന്നെക്കുറിച്ചു അവൻ തന്റെ ദൂതന്മാരോടു കല്പിക്കും; അവൻ നിന്റെ കാൽ കല്ലിനോടു തട്ടാതവണ്ണം നിന്നെ കയ്യിൽ താങ്ങികൊള്ളും” എന്നു എഴുതിയിരിക്കുന്നുവല്ലോ എന്നു പറഞ്ഞു.
7 യേശു അവനോടു: “നിന്റെ ദൈവമായ കർത്താവിനെ പരീക്ഷിക്കരുതു എന്നും കൂടെ എഴുതിയിരിക്കുന്നു” എന്നു പറഞ്ഞു.മത്തായി – അദ്ധ്യായം 4//
ഇവിടെ പിശാച് ദൈവ വചനം കൊണ്ട് യേശു കർത്താവിനെ പരീക്ഷിക്കുമ്പോൾ അതെ വചനത്തിന്റെ ഇണയായ വചനത്തെ കൊണ്ട് യേശു കർത്താവു പിശാചിനോട് മറുപടി പറയുകയാണ് .ദൈവം എന്ത് അർത്ഥത്തിൽ ആ വചനം പുറപ്പെടുവിച്ചു എന്ന് വെളിപ്പെടുത്തുകയാണ് .ദൈവം തന്റെ ജനത്തെ രക്ഷിക്കും എന്നാൽ ദൈവം രക്ഷിക്കുമോ എന്ന് നാം ദൈവത്തെ പരീക്ഷിക്കാനായി ഒന്നും ചെയ്യരുത് .